Guizáʼ riuuláʼdxinu ca videu ne ca pregunta stiʼ libru ¡Zanda guibániluʼ nayecheʼ! purtiʼ rucaani ca estudiante stinu guiniʼcaʼ xi nuu ndaaniʼ ladxidoʼcaʼ. Laaca guizáʼ riuuláʼdxinu ca recuadru ni láʼ «Nuu tu ná», «Biʼniʼ stipa gúniluʼ ndiʼ» ne «Biiyaʼ xiruʼ zanda guiziidiluʼ». Peru ¿xiruʼ zanda gacané lii gudiiluʼ estudiu né libru riʼ yaʼ? (Mateo 28:19, 20).

Información. Pa riquiiñeluʼ libru riʼ para gudiiluʼ estudiu, ¿paraa zanda gúʼyaluʼ información o ca videu ni zeeda lu sección ca yaʼ? Guyé lu versión digital stiʼ libru riʼ ne bidii clic lu sección ni cuyúbiluʼ. Dede xagueteʼ zadxélaluʼ ti botón ni láʼ «Información», luni zeeda ca videu ne ni chiguiquiiñeʼ lu cada lección (imagen 1).

Modo iquiiñeluʼ «Edición impresa». Pa riquiiñe- luʼ edición digital stiʼ libru riʼ ora maʼ cudiiluʼ estudiu ne racaláʼdxiluʼ gúʼyaluʼ ximodo rihuinni ni lu guiʼchiʼ la? zanda gúʼyaluʼ ni ra ná «Edición impresa». Ora maʼ cayuundaluʼ ti lección lu JW Library, guyé ra cá chonna puntuhuiiniʼ ni nuu squina ladu derechu ne bidii ra ná «Edición impresa». Zacané ndiʼ lii para gúʼyaluʼ xi guiráʼ zeeda lu lección ni cayuundaluʼ. Ne para guibiguétaluʼ lu edición digital la? bidii ra cá chonna puntuhuiiniʼ que ne bidii ra ná «Edición digital» o bidii ra cá ícono moradu ni zeeda xagueteʼ ladu derechu.

«¿Ñee maʼ nuaaʼ listu la?». Zeeda ca recuadru riʼ ra riluxe sección 4 ne lúcani zeeda caadxi requisitu ni caquiiñeʼ guni cumplir tuuxa pa racalaʼdxiʼ guni predicarné congregación ne chúʼnisa (imagen 2).

Nota. Zeeda ca nota riʼ ra riluxe sección 4 ne guca ca ni para gusiene chaahuiʼ ca ni caadxi cosa risaca de ti tema. Lu edición digital ca zeeda ti enlace ra riluxe cada nota para guibiguétaluʼ lu puntu ra biaanatu (imagen 2).