¡GUTANÁ! Núm. 1 2024 | ¿Xiñee maʼ qué gapa binni respetu?
Ruluíʼ si maʼ caniti respetu. Mientra zidiʼdiʼ dxi jma maʼ huaxiéʼ rusihuinni binni respetu, ne ora guni tuuxa ni dede ridxagayaa binni.
Maʼ huaxiéʼ runi respetar binni bixhoze ne jñaa, ca binnigola, ca policía, ca jefe ne ca maestru sticaʼ. Ne lu ca red social ca rucaacabe stale cosa ni qué rusihuinni respetu xcaadxi binni. Casi ruzeeteʼ ti artículo stiʼ revisata Harvard Business Review, rihuinni dxíchica jma maʼ stale binni qué rusihuinni respetu. Ne laaca ná revista ca maʼ napa ratu jma maʼ stale binni riniʼcaʼ de laani.
¿Xiñee maʼ qué gapa binni respetu xcaadxi?
Biiyaʼ xiñee risaca guni respetarluʼ xcaadxi ne ximodo zanda gúniluʼ ni.
¿Xiñee maʼ qué gapa binni respetu guendanabani?
Biiyaʼ xi rusiidiʼ Biblia de modo guni respetarnu guendanabani stinu ne stiʼ xcaadxi.
¿Xiñee maʼ qué gapa binni respetu familia stiʼ?
Riuu ti familia nayecheʼ ora runi respetársaacaʼ.
¿Xiñee maʼ qué gapa binni respetu laca laa?
Zanda gacané Biblia binni guni sentir dxandíʼ peʼ risaca, guibani jma nayecheʼ, ne nga zacané laa guni respetar laca laa.
¿Xiñee maʼ qué gapa binni respetu?
Biindaʼ información ni caníʼ de respetu ne biiyaʼ xi cayuni ca testigu stiʼ Jehová lu guidubi guidxilayú para cuʼcaʼ gana binni gusihuínnicaʼ respetu.
