Ndiʼ nga ni biʼniʼ mandar Jesús ca xpinni guni: «Lachiusiidi irá xixé binni sa nanda naa» (Mateo 28:19, 20). Ora biseendabe laacaʼ chigucheechecaʼ diidxaʼ gúdxibe laacaʼ naquiiñeʼ checaʼ ra lidxi binni (Mateo 10:7, 11-13). Guti si Jesús, bicheecheruʼ ca xpinni Cristu ni bibani lu primé siglu que diidxaʼ ra ridiʼdiʼ stale binni ne de yoo pur yoo (Hechos 5:42; 20:20). Yanna riʼ laaca rinándadu ejemplu stiʼ ca primé xpinni Cristu que ne maʼ bidúʼyadu jma galán chigánnadu binni de ra lidxi.