Badungu aboro rogo zegino dunduko naraka na zingo riahe gbiati bambu. Agu akurayo naida i gumba gu maabangirise gbua fuyo du kumbatayo. Wai gu gu ome ani amangaha tipa ka undo ngbatunga agi aboro re nika sa gupai nga Mbori idi na ani na ki fu amaku furani?

“Gu boro du na nunga rungorungo boro ti ni nafu he fu Yekova, tipa gani wene mangapai ko afú mosoro fu ni.”—ASANZA 19:17.

Yesu agumba sanza tipa gu kumba abatuka ata ko na ki mbuko tipa ko kpi. (Ruka 10:29-37) Gu boro naainongo ko ya aru na ki ngerefuo gako aoro. Ko amangi gipai re wa si avura du vurũ nga boro kura ringara nangia ko.

Gi kumba re aangeranga kina fuo gako aoro na ki fu ahe fuko te ono ko aima fu wasa fuko a na ki ye na husa fuko be gako imisiri.

Ginipai ani awirikaha ti gu sanza re? Gupai Yesu aayugoho nga si naida ani undo agu aboro du rogo zingo ngba ai gu gene rengbe ani ka mangaha ngbaha. (Asanza 14:31) Ziazia Kekeapai nayugo gupai nga Mbori nika digiso arungo barambeda. Wa vura duhe wo, ani ima rengba ka bakabangirani nga, wai gu Mbori nika manga gipai re na ti gini regbo? Gu kekeapai ngbefuo gere nika sakapai tipa agu amaku Bakusiro nambakadihe tipa ro kumbatayo.