AGU APAI NANDU NA GUPAI DU TI KPOTOHO | MO IMA RENGBA KA GIAROGO ZIAZIA KEKEAPAI YO
Tipagine si Aida Mo Girogo Ziazia Kekeapai yo Ti Ni?
LIN DU CHINA yo aya, “Ziazia Kekeapai nga gu buku pambori badungu aboro naima inopai tipa ha. Ono si nga gu buku nga ga kura aringara na si arẽnga tipa aboro China te.”
AMIT DU INDIA yo aya, “mi arengbanga ka giarogo gu ziazia buku nga ga gimi pambori nga ga Hindu te. Sidu ya mo mi rengbe ka giarogo Ziazia Kekeapai yo?”
YUMIKO DU JAPAN yo aya, “Mi nabi Ziazia Kekeapai na irisa mbiko si nga kuru buku na mi ima giaha nga si nga gu buku naima nge be badungu aboro. Ono mi aabingo ho mbata te.”
Badungu aboro rogo zegino dunduko nabi Ziazia Kekeapai na kikiipaha. Ono wa vura duhe wo, i rengbe ka ino kina bete apai gbua tipa gupai du rogoho. Gere nga gu rengo du tipa agu amirioni aboro naraka Asia yo, ono si a nga gu rengo du tipa gu dungu aboro du rogo agu aringara Ziazia Kekeapai nange rogoho.
Ono tie, mo rengbe ka sanahe nga, ‘Tipagine si aida mi girogo Ziazia Kekeapai yo ti ni?’ Ka mo girogo gi ziazia buku re, si rengbe ka undo ro na agi apai du kusende re:
-
Mo gbia ngbarago
-
Mo mangipai kuti agu akpakarapai nga ga aborokporo
-
Mo sovura kuti bakabangirise
-
Mo mbakadi gamo pagume na aboro
-
Mo mangisunge na marã na tatamana
Ni kpiapai, oni bingo Yoshiko du Japan yo. Ri anaabakabangiiri tipa gupai nzunzu du rogo Ziazia Kekeapai yo na ri ki diberã ka gedaha nitiri. Sangbanaha angia gine? Ri aya, “Ziazia Kekeapai ima undo re mi ini ndu gupai mi araka ti ni na mi du na maabangirise tipa raka ku mbatayo,” na ri ape kurapai nga: “Mi awere na inohe.” Amit, du fugoko kusayo adiberã ka wisigo Ziazia Kekeapai nitiko. Ko aya, “kina ngbare naazere nga Ziazia Kekeapai na agu apai rogoho rengbe ka undo aboro dunduko.”
Ziazia Kekeapai ima manga bakere ariapai na gu raka nga ga amirioni aboro. Si adu ni wenepai ka mo wisigihe nitiro ka bi wai rengbehe ka undoro.
