Profecía 2. Galrralán

«Sioʼ galrralán» (MARCOS 13:8)

● Toib buñguieeu rayopy ro guilaa lainy toib lagary ni laa Quaratadji (Níger). Xprimbu, buchbu né bisanbu láaca radxin lagarycu, bireʼyibu xcudxyibu portín noʼ galrralán lagarycu. Radopy xcalnabanybu né riabbu layoo. ¿Xigony? «Portín diti rigaʼlni láabu guiyaʼanbu xfamilbu, né nigolú rasac nabambu rabiʼbu xfamilbu», scú ná Sidi, jefe de lagarycu.

¿XÍ RADUDY DIITZ DATOS REʼ? Ló guidopynac Gudxlio xidal buñ ro per diti radzaʼ lainy, per más dealtir nac África subsahariana, lagarycu xidal buñ guirási ór calaʼn. Par guidudyno cuent ximod nacni, gonyno pensary de toib galtzeʼel né xiingaʼnien. Pal nosi noʼ galrro par chop buñ, ¿chú láabu tudy ló galrralán: buñguieeu la o buñgonaʼ? Scú láani, guirá famil racaló galnagan reʼ guirá dzú.

BUÑ DITI RONY CRER. Gudxlio radudy galrro par guiránac buñ; ni raquiinno ngú, buñ ni gony organizar láani.

¿LABÚU GUININO QUE SCÚ NACNI LA? Dipa ma goyoʼ dzú goyoʼ xiroʼ galrro ló guidopynac Gudxlio xomod ló naareʼ. Né ni raquiin ñony Gobiernos láani ngú, naquiinyibu guirá galrro reʼ par nanitló galrralán; per ná ronyibu xiroʼ xtem diti rigaʼlni layibu.

¿XÍ RONYLO PENSARY? ¿Nigolú ni ná Marcos 13:8 la? Ná ló naareʼ noʼ xiroʼ tecnología, ¿galrralán cagoʼni buñ ló galrrasaʼ la?

Xo rodann né galrralán sioʼni antes de stipnés señal ni gac ló dzú ni ma guidubylagaʼ.

[Comentario]

«Xidalguixo mbioxien raity de neumonía, galrradudy né stipnés galguitz, diti ñaityibu pal diti nadudyibu ló galrralán» (ANN M. VENEMAN, EX DIRECTORA EJECUTIVA DE UNICEF).

[Reconocimiento]

© Paul Lowe/Panos Pictures