Ló chop tzón xomal, lainy xidal gudxrop sony votar buñ, né non ganyibu chú racladxyibu gony mandary layibu.

 ¿Xí ná Biblia de láani?

 La Biblia rasetlaa que xcalmandary buñgudxlio radudy xtzúni.

•   «Diti gapto confianz ló príncipes nili ló stoib buñgudxlio, portín diti labúu salaayibu buñ. Rareʼ espíritu xtunybu, né buñ rabiguet rac yoo stoib; dzúcuca ranitló xpensaryibu» (Salmo 146:3, 4, nota).

 Guirá buñ ni rony mandary radxin midid raityibu, ná pal galán bunyibu xchiinyibu. Né láaca pal bunyibu cós tzaay, ndeʼ diti radudy diitz que stipnés ni gony mandary después de layibu sony dxiincuca (Eclesiastés 2:18, 19).

 Né, la Biblia rabexa que buñgudxlio diti goyaʼyibu par gony mandaryibu láacayibu.

•   «Buñ ni casaa nili labúu ragonésbu mod rasaabu» (Jeremías 10:23).

 ¿Noʼ toib ni labúu gony mandary lóono galán ló naareʼ la?

 La Biblia rabexa que Dios ma golú toib buñ ni más nan né ni labúu gapno confianz, láabu ngú Jesucristo (Salmo 2:6). Láabu nacbu Rey de Gobierno xtuny Dios, toib gobierno ni noʼ lainy guibá né desde cú rony mandarybu (Mateo 6:10).

 ¿Racladxlo gony mandary Jesús looy la? La Biblia rabeʼ loguiaʼ xigony nigolú rasac cuuno láabu:

•   «Colgonyxiroʼ Xiin Dios [Jesucristo]; pal yaca la, Dios sadzuitz né lóoto né saityto ló néz, portín nimaca radzuitzbu. ¡Dichós guirá buñ ni riee ronoʼbu par guilaa!» (Salmo 2:12).

 Nigoreʼ ór par gan buñ xi láani gony. Mod ná profecías ni sieed ló la Biblia, Jesús gosaló buny mandary ló íz 1914. Profecías ni sieed ló la Biblia náni que mápa mer Gobierno xtuny Dios sioʼni xalagary guirá gobiernos xtuny buñgudxlio (Daniel 2:44).

 Pal nainy looy ganlo ximod gony apoyarlo gobierno xtuny Jesús, bíil artículo ni laa, «Gony apoyarno Gobierno xtuny Dios».