Testigos xtuny Jehová radopyibu chop buelt lainy xomal, lainy Salón del Reino. ¿Xí ronyibu cú? ¿Noʼ pu sacnéni looy tzeelo reunión la?

•  ¿Xí ronyibu lainy Salón del Reino?

•  ¿Xigony raquiin tzeelo reunión?

•  Ni raniʼ stipnés mbioxhlas

 Salón del Reino nacni toib lagary ro rasuidyibu la Biblia. Reunión ni rac cú sacnéni looy par:

•   guisuidylo de Dios.

•   sienlo xi radudy diitz guirá ni cayac ló naareʼ.

•   labúu gaclo toib buñtzay.

•    guidzelo buñ ni gac ximigdxinlo.

 ¿Nanlo ndeʼ la? Lagary ro rony testigos xtuny Jehová xireunión laani, Salón del Reino. Laani scú portín tema ni más ritlaa lagarycu láani ngú Gobierno xtuny Dios (Mateo 6:​9, 10; 24:14; Lucas 4:​43).

 Ni rasuidyibu cú sacnéni looy. Textos ni sieed ló la Biblia ni rasuidy testigos xtuny Jehová ló xireunión sacnéni looy «gaplo sabiduría» (Proverbios 4:5). Ndeʼ radudy diitz que la Biblia labúu gacné looy gonylo xinésni. Láaca racapyni tipnés galrranabdiitz ni rasacgoluʼ, xomod:

•   ¿Noʼ xí portín nabanyno ló Gudxlio la?

•   ¿Nap Dios dool de guirá galrrioʼob la?

•   ¿Buñ ni ma goity nabanysabu stoib lagary la?

 Ndeʼ nap tipnés títulos de discurs ni radudy ló reunión guic xomal:

•   ¿Xigony guidudyno lagary que conés la Biblia lóono?

•   ¿Chú labúu gacné lóono órni cadudyno ló galnagan?

•   ¿Xí láani cayony Gobierno xtuny Dios por lóono?

 «Toib xcompañera ni riee scuel toibsi né naʼ goyee reunión, gorunebu xfamila né bislooydo libro ni caʼdo láabu. De ngú, gochbu naʼ que nigolú bidziguiaʼbu guirá comentarios ni radudy buñ órni cacapy guirá galrranabdiitz ni cayac. Láaca goniʼbu que ló religión xtunybu diti napbu libros ni napdo lóodo» (Brenda).

 ¿Nanlo ndeʼ la? Par tzoʼlo lainy Salón del Reino diti raquiin quiixlo, né dipa ranabyibu bidxiich.

 Buñ ni guimbulo cú sacnéyibu looy. La Biblia ná que toibtica razón ni radop testigos xtuny Jehová láani ngú par «gony animaryibu saʼyibu» (Hebreos 10:24, 25). Ló Gudxlio ro rabésno, buñ diti rioʼ galrrasaʼ por stipnés, per lainy Salón del Reino simbulo buñ ni más rioʼ galrrasaʼ por Dios né por stipnés né ngú nigolú sony animarni looy.

 «Órni ma bilox dzú, rioʼ ór rioʼya nabann né cadzaga, per guirá ni riee Salón del Reino guirá ór ronyibu que guisaca sacró. Órni ralox reunión né radxinna lidxi nakit rioʼ xcalnabani né rioʼ gan naʼ par stoib dzú» (Elisa).

 ¿Nanlo ndeʼ la? Ló guidopynac Gudxlio noʼ más de 120.000 congregaciones de Testigos xtuny Jehová, né más de 60.000 lagary ro ronyibu xireuniónyibu. Guirá íz riaʼ 1.500 Salones del Reino portín xidalguixo buñ cadxin ló xireuniondo. a