PARTE 5
¿Nuxde bzenhag che Dios katen guk Diluvio?
Bene bnhite lla che Noé gazelhauze bsunhe da malh (Génesis 6:5)
Adán nha Eva bezenhite xine, nha xtit blle zan bene lhau Yellʼlhiu. Nhach, angl yoble bsunhe ka Daxiwe nha bit bezezenhage che Dios.
Angl ki bezezelhalle yeseke nulhe, por danhi bsetje yaba nha bsake ka benach. Bezenhite xine bi zban nha bi wal enllalhe ka bene nitekse.
Bella bene malh dolho Yellʼlhiu. Biblia tsetjen «da malh de chhun bene bellan lhau Yellʼlhiu» nha bene chhunteze xbab gunhe da malh.
Noé bzenhage che Dios nha benhe tu arka (Génesis 6:13, 14, 18, 19, 22; Hebreos 11:7)
Noé guke tu bene wen. Jeoba gulle leʼe dek wlliaye bene malh lhen tu yejʼziu de yezshan Yellʼlhiu. Nha nombiachhun ka Diluvio.
Gulle leʼe gunhe tu kaj xen de yag da gake xua lhau nis: shnen arka che Noé. Chheyale shu bene lu yuʼ chie nha yuge kuen beyixe.
Noé bdixjweide bene dek gak tu diluvio, per bit bsaklhalle yezezenhage chie. Bale bezexille, nha yebale beselukchwe.
Kate Noé beyull benhe arka, blhue beyixe ka.
