Sinamathela kulokho okushiwo iBhayibheli ngomshado nangedivosi. UNkulunkulu wasungula umshado ukuze ube isibopho esihlala njalo phakathi kwendoda nowesifazane. Isizathu sokudivosa okuwukuphela kwaso esivunyelwe emiBhalweni esokuziphatha okubi ngokocansi.​—Mathewu 19:​5, 6, 9.

 Yebo, ngezindlela eziningana, ezinjengalezi:

•   Izincwadi. Kuvamile ukuba sibe nezihloko ezingaqinisa imishado, ngisho naleyo engase ibonakale ingasenakulungiseka. Ngokwesibonelo, bheka izihloko ezithi “Ukulondoloza Ukuzibophezela Emshadweni Wakho,” “Indlela Yokuthethelela,” nesithi “Ukuphinde Wakhe Ukwethenjwa.”

•   Imihlangano. Sixoxa ngeseluleko seBhayibheli esisebenzisekayo kwabashadile emihlanganweni yethu yebandla, nasemihlanganweni emincane nemikhulu.

•   Abadala. Abadala bebandla basiza abashadile, bababonise imiBhalo enjengeyabase-Efesu 5:​22-​25.

 Cha. Ngisho nalapho abadala becelwa ukuba basize abantu abathile abashadile abanezinkinga zomshado, abanalo igunya lokubatshela ukuba bathathe siphi isinqumo. (Galathiya 6:5) Nokho, umuntu okhetha ukudivosa ngaphandle kwezizathu ezisemiBhalweni akafaneleki ukuba anikwe izabelo ezikhethekile ebandleni futhi ngokwemiBhalo akavunyelwe ukuba aphinde ashade.​—1 Thimothewu 3:1, 5, 12.

 IBhayibheli likhuthaza abashadile ukuba bahlale ndawonye ngisho nasezimweni ezinzima. (1 Korinte 7:10-16) Izinkinga eziningi zingaxazululeka ngokuthandaza ngobuqotho, ukusebenzisa izimiso zeBhayibheli nokubonisa uthando.​—1 Korinte 13:4-8; Galathiya 5:22.

 Nokho, ezimweni ezimbi ngokwedlulele, njengalezi ezilandelayo, amanye amaKristu aye anquma ukuhlala ngokwahlukana:

•   Ukungondli ngamabomu.​—1 Thimothewu 5:8.

•   Ukuhlukunyezwa ngokomzimba okwedlulele.​—IHubo 11:5.

•   Ukubekwa engozini ngokuphelele kobuhlobo bomuntu noNkulunkulu. Ngokwesibonelo, omunye angase azame ukuphoqa uFakazi ashade naye ukuba aphule umyalo kaNkulunkulu ngandlela-thile, futhi uFakazi angase anqume ukuthi ukuhlala ngokwahlukana kuwukuphela kwendlela yokuba ‘alalele uNkulunkulu njengombusi kunabantu.’—IzEnzo 5:29.