IzAga 18:1-24
18 Noma ubani ozihlukanisayo ufuna ukufeza izifiso zakhe zobugovu;Wenqaba* konke ukuhlakanipha okuwusizo.
2 Umuntu oyisiphukuphuku akajabuli ngokuqonda;Uncamela ukwambula okusenhliziyweni yakhe. +
3 Lapho kufika omubi, kufika nokwedelela,Nehlazo lihambisana nesihlamba. +
4 Amazwi aphuma emlonyeni womuntu angamanzi ajulile. +
Umthombo wokuhlakanipha uwumfudlana ophuphumayo.
5 Akukuhle ukukhetha omubi +Noma ukugodlela umuntu olungile ubulungisa. +
6 Inkulumo yesiphukuphuku ibanga ingxabano, +Nomlomo waso uzibizela induku. +
7 Umlomo wesiphukuphuku uwukubhujiswa kwaso, +Nezindebe zaso ziwugibe ekuphileni kwaso.
8 Amazwi omnyundeli anjengokudla okumnandi; +Ayagwinywa angene phakathi esiswini. +
9 Noma ubani ovilaphayo emsebenzini wakheUngumfowabo womuntu obangela incithakalo. +
10 Igama likaJehova lingumbhoshongo oqinile. +
Olungile ubalekela kuwo athole isivikelo. *+
11 Ingcebo yomuntu ocebile yidolobha lakhe elinezivikelo eziqinile;Engqondweni yakhe ifana nodonga oluvikelayo. +
12 Inhliziyo eqhoshayo yandulela ukuphahlazeka komuntu, +Ukuthobeka kwandulela udumo. +
13 Lapho umuntu ephendula indaba ngaphambi kokuba ezwe amaqiniso,Lokho kungubuwula nokuhlazeka. +
14 Umoya omuhle* ungamqinisa umuntu lapho egula, +Kodwa ubani ongabekezelela umoya omunyu? *+
15 Inhliziyo yoqondayo izuza ulwazi, +Nendlebe yohlakaniphile ifuna ukuthola ulwazi.
16 Isipho somuntu simvulela indlela; +Simhlanganisa nezikhulu.*
17 Olwethula kuqala udaba lwakhe ubonakala elungile, +Kuze kube yilapho kufika lowo ommangalele amphenye ngemibuzo. *+
18 Inkatho iyaziqeda izingxabano +Ixazulule nemibango eshubile.*
19 Kulula ukuthumba idolobha elinezivikelo eziqinile kunokunqanda ulaka lomfowenu owoniwe, +Futhi kukhona izingxabano ezinjengemigoqo yenqaba. +
20 Umuntu uyosuthiswa okuvela esithelweni senkulumo yakhe; +Uyobhekana nemiphumela yezinto azishoyo.
21 Ukufa nokuphila kusemandleni olimi; +Labo abathanda ukulusebenzisa bayodla izithelo zalo. +
22 Lowo othole umfazi omuhle, uthole into enhle, +Uthola nomusa* kaJehova. +
23 Umuntu ohluphekayo uyancenga lapho ekhuluma,Kodwa ocebile uphendula ngokhahlo.
24 Kukhona abangane abaphihlizanayo, +Kodwa kukhona umngane onamathela ngaphezu komfowenu. +
Imibhalo yaphansi
^ Noma, “Wedelela.”
^ NgesiHebheru, “aphakanyiselwe phezulu,” okuwukuthi, endaweni engenakufinyelelwa, ephephile.
^ Noma, “ukuphelelwa ithemba?”
^ NgesiHebheru, “Umoya womuntu.”
^ Noma, “nezicukuthwane.”
^ Noma, “amhlolisise.”
^ NgesiHebheru, “Ihlukanise nezitha ezinamandla.”
^ Noma, “Uthakazelelwa.”
