AMAZWE NABANTU
Ukuvakashela ENew Zealand
CISHE eminyakeni engaba ngu-800 eyedlule, isizwe samaMaori sahamba izinkulungwane zamakhilomitha sinqamula olwandle saze safika eNew Zealand. Safike sathola indawo ehluke ngokuphelele eziqhingini ezishisayo zasePolynesia esasisuka kuzo. INew Zealand yayinezintaba, iziphethu ezishisayo neqhwa. Ngemva kweminyaka engaba amakhulu amahlanu, kwafika olunye uhlanga kule ndawo luvela eYurophu. Namuhla, abantu baseNew Zealand baziwa ngamasiko ahlanganisa zombili lezi zinhlanga. Abantu abaningi bahlala emadolobheni. Kuzo zonke izinhloko-dolobha eziseningizimu, iWellington iyona nhloko-dolobha esezansi kunazo zonke.
Isiphethu esinodaka olushisayo esisesiQhingini Esisenyakatho
Nakuba iyisiqhingi esikude, akumangazi ukuthi iNew Zealand ivakashelwa abantu abaqhamuka kwezinye izindawo abangaphezu kwezigidi ezintathu ngonyaka, ngenxa yobuhle bayo.
Isihlahla i-silver fern singakhula sibe amamitha angaphezu kwayishumi ubude
Inyoni engakwazi ukundiza i-takahe kwakucatshangwa ukuthi ayisekho, kwaze kwaba u-1948
INew Zealand inezinhlobo eziningi zezilwane zasendle, futhi inezinyoni ezingandizi eziningi ukwedlula ezinye izindawo emhlabeni. Kule ndawo kutholakala nesilwane okuthiwa i-tuatara, okuyisilwane esicishe sifane nentulo, esikwazi ukuphila iminyaka engaba yikhulu! Amalulwane nezilwane zasolwandle ezifana nemikhoma namadolifini, yizona zilwane ezincelisayo zakule ndawo.
Sekuyiminyaka engaba ngu-120 oFakazi BakaJehova bekhona eNew Zealand. Bafundisa iBhayibheli ngezilimi ezingaphezu kuka-19, ezihlanganisa nolimi lwesiNiue isiRarotonga, isiSamoa, nesiTonga.
AmaMaori agqoke imvunulo ayacula futhi adansela ingoma
Okunye Ongase Ukuthande
PHAPHAMA!
Ukuvakashela EKazakhstan
Kudala, amaKazakh ayengahlali endaweni eyodwa isikhathi eside futhi ayehlala kuma-yurt. Indlela aphila ngayo manje iwabonisa kanjani amasiko okhokho bawo?
PHAPHAMA!
Ukuvakashela ESpain
Izwe laseSpain linezindawo ezingafani nabantu abahlukahlukene. Kunohlobo lokudla oluthandwa kakhulu iSpain esikukhiqiza kakhulu kunamanye amazwe.
PHAPHAMA!
Ukuvakashela EKyrgyzstan
Abantu baseKyrgyzstan baziwa ngokungenisa izihambi nenhlonipho. Yimaphi amasiko alawula ukuphila komndeni?
PHAPHAMA!
Ukuvakashela E-Uzbekistan
Funda okwengeziwe nge-Uzbekistan nangomlando ophathelene nokushintsha kwezinhlamvu zamagama akhona.
PHAPHAMA!
Ukuvakashela ENicaragua
Yindawo enechibi eliwukuphela kwalo elinamanzi anezinhlanzi zasolwandle ezifana noshaka, i-swordfish, ne-tarpon.
